शुभहस्ते पुजा : अभंग

.

.
शुभहस्ते पुजा : अभंग

प्रथम पुजेला । लालदीवा मस्त ॥

सत्ताधारी हस्त । कशाला रे ॥१॥

त्यांचे शुभ हस्त । कसे सांगा देवा ॥

हरामाचा मेवा । चाखती ते ॥२॥

लबाड लंपट । तयांची जमात ॥

माखलेले हात । रक्ताने गा ॥३॥

पाय तुझे कैसे । नाही विटाळले ॥

मन किटाळले । कैसे नाही ॥४॥

म्हणा काही देवा । आहे साटेलोटे ॥

अभयास वाटे । शंका तशी ॥५॥

                                 गंगाधर मुटे

.........................................................

(आषाढी एकादशीच्या निमित्ताने पांडुरंगाला थोडेसे साकडे)

…………………………………………

बोला पुंडलिकावरदे हरी विठ्ठल .......!!