* नूतनवर्षास....*
एवढं करशील नूतनवर्षा, सुजनतेच्या उत्कर्षासाठी,
कर मर्दन छल-क्रौयाचे, अधमतेला घाल लाठी....!
जात्यांधतेने ग्रासलेले, इथून-तिथून सारे जग,
नेमस्तांची सहनशक्ती, किती काळ धरणार तग....?
वाघा-सिंहांची श्वापदवृत्ती, माणसेच हिंस्त्रमार्गे भटकती,
रिपुंचे अवडंबर माजून, माणसेच रक्ताला चटकती...!
दोर काप परतीचे, दिशा दे रे तरुणाप्रती,
नक्राश्रू ढाळणार्‍यांना, प्रेरणा-शक्ती दे झुंजण्याची....!
हद्द झाली सोशिकतेची, तांडव करील का उमेश ?,
जागे होऊ दे निद्रीस्तांना, आता तरी येऊ दे त्वेष...!
रसातळाला जाऊ दे, उद्वेग, द्वेष, क्रोधकरणी,
दोषमुक्त समाजरचनेची, तवकाळी होवो पायाभरणी...!
नववर्षा उमगू दे मानवता, घडू दे ऋणानुबंधाच्या गाठी,
कर मर्दन छल-क्रौयाचे, अधमतेला घाल लाठी....!!
गंगाधर मुटे
( प्रकाशित " लोकमत " दि. ०१ जानेवारी २००२ )
No comments:
Post a Comment
माझे विचार
आपणास आवडले तरी
आणि नाही आवडले तरीही
प्रतिक्रिया अवश्य द्या...
आपले विचार माझ्यासाठी महत्वाचे आहेत.