Thursday 17 June 2010

बळीराजाचे ध्यान ....!!

बळीराजाचे ध्यान ....!!

(पंढरीचा पांडुरंग आणि संतश्रेष्ट
तुकारामांच्या पायी नतमस्तक होवुन)

सुंदर ते ध्यान उभे बांधावरी
नांगर खांद्यावरी घेवोनिया..॥१॥

कासे पितांबर ते फ़ाटके धोतर
टायरचे खेटर पायामधी..॥२॥

तुळशीहार जणु घामाचीच धार
उन्हाला आधार पगडीचा..॥३॥

कवच-कुंडले छातीच्या बरगड्या
पोटीच्या आतड्या नृत्य करी..॥४॥

नैवद्य-प्रसाद कांदा भाकरीचा
चेंदा मिरचीचा तोंडी लावी..॥५॥

आरतीला नाही त्याची रखुमाई
चारतसे गाई माळरानी..॥६॥

राजा शेतकरी बळीराज यावे
संघटीत व्हावे अभयाने..॥७॥

गंगाधर मुटे.
................................................

3 comments:

  1. अतिशय उत्तम गंगाधरजी !!!!!!!!
    शेतकर्‍याचे ध्यान एका शेतकर्‍यानेच वर्णावे, हे खरे बाकी..!

    ReplyDelete
  2. वाह ! मुटेजी,
    अस्सल् मातीतली कविता !
    सुरेख जमली आहे !
    कास्तकाराच्या प्रति असलेल्या तुमचा कळवळा
    यातून स्पष्ट दिसुन येतो !

    ReplyDelete
  3. vaa, vaaa, vaaaa ! Mute mahoday ,APRATIM SUNDAR TE DHYAN !

    ReplyDelete

माझे विचार
आपणास आवडले तरी
आणि नाही आवडले तरीही
प्रतिक्रिया अवश्य द्या...
आपले विचार माझ्यासाठी महत्वाचे आहेत.